നടി ഹന്‍സിക മോട്വാനിയുടെ സ്വകാര്യ ചിത്രങ്ങള്‍ ഓണ്‍ലൈനില്‍ ചോര്‍ന്നു. ഒരു അവധിക്കാലത്തെ സ്വകാര്യ ചിത്രങ്ങളാണ് ഹാക്കര്‍മാര്‍ ചോര്‍ത്തി ഓണ്‍ലൈനില്‍ പങ്കുവെച്ചത്. ബിക്കിനി അണിഞ്ഞ് നില്‍ക്കുന്ന ചിത്രങ്ങളാണ് ചോര്‍ന്നവയില്‍ ഭൂരിഭാഗവും.
എങ്ങിനെയാണ് ഈ ചിത്രങ്ങള്‍ ഇന്റര്‍നെറ്റില്‍ ഇടംപിടിച്ചതെന്ന് വ്യക്തമല്ല. ന്യൂയോര്‍ക്കിലെ അവധിക്കാല ആഘോഷത്തിനിടെയാണ് ഈ ചിത്രങ്ങളില്‍ മിക്കവയും എടുത്തതെന്നാണ് വിവരം. ശരീരം കാണിക്കുന്ന ചിത്രങ്ങള്‍ സോഷ്യല്‍ മീഡിയയില്‍ ഇടംപിടിച്ചതോടെ ഹന്‍സികയും, ആരാധകരും ഞെട്ടലിലാണ്.
സ്വകാര്യ ചിത്രങ്ങള്‍ ചോര്‍ന്ന വിഷയത്തില്‍ നടി ഇതുവരെ പ്രതികരിച്ചിട്ടില്ല. ഹാക്കര്‍മാര്‍ക്കെതിരെ പോലീസില്‍ പരാതിയും നല്‍കിയിട്ടില്ല. ചിത്രങ്ങള്‍ റിപ്പോര്‍ട്ട് ചെയ്യപ്പെട്ടതോടെ ട്വിറ്ററില്‍ നിന്നും ഇവ നീക്കം ചെയ്തു. എന്നാല്‍ ഇന്‍സ്റ്റാഗ്രാമില്‍ സ്വകാര്യ ചിത്രങ്ങള്‍ ഇപ്പോഴും ലഭ്യമാണ്.
നേരത്തെ ആമി ജാക്‌സണ്‍, അക്ഷര ഹാസന്‍ എന്നിവരുടെ മൊബൈലും ഹാക്ക് ചെയ്യപ്പെടുകയും സ്വകാര്യ ചിത്രങ്ങള്‍ ഇന്റര്‍നെറ്റില്‍ പങ്കുവെയ്ക്കുകയും ചെയ്തിരുന്നു. അക്ഷര ഹാസന്‍ ഹാക്കര്‍ക്കെതിരെ നടപടി ആവശ്യപ്പെട്ട് പോലീസിനെ സമീപിച്ചിരുന്നു.
